ایران کے نئے سپریم لیڈر مجتبیٰ خامنہ ای کے زخمی ہونے کی خبریں سامنے آئی ہیں –
غیر ملکی خبر رساں ادارے کے مطابق ایرانی صدر کے بیٹے یوسف پزشکیان نے اپنے ٹیلی گرام پیغام میں کہا کہ انہیں اطلاع ملی تھی کہ مجتبیٰ خامنہ ای زخمی ہو گئے ہیں اس خبر کے بعد انہوں نے اپنے ایسے دوستوں سے رابطہ کیا جن کے متعلقہ حلقوں میں رابطے تھے ان دوستوں نے بتایا کہ الحمدللہ مجتبیٰ خامنہ ای محفوظ اور خیریت سے ہیں۔
ادھر ایران کے سرکاری ٹی وی نے مجتبیٰ خامنہ ای کو ’رمضان کی جنگ کا زخمی فوجی‘ قرار دیا، تاہم اس حوالے سے یہ واضح نہیں کیا گیا کہ انہیں کس نوعیت کی چوٹیں آئی ہیں۔
ایران کا خطے میں اسرائیل اور امریکا کے بینکوں اور مالیاتی اداروں کو نشانہ بنانے کا اعلان
واضح رہے کہ چند روز قبل مجتبیٰ خامنہ ای کے زخمی ہونے کی اطلاعات سامنے آئی تھیں جس کے بعد ان کی صحت کے حوالے سے مختلف قیاس آرائیاں گردش کر رہی تھیں۔
دوسری جانب امریکی اخبار نیویارک ٹائمز کی ایک رپورٹ میں تین ایرانی حکام کے حوالے سے بتایا گیا ہے کہ مجتبیٰ خامنہ ای کو چوٹیں آئی ہیں، ان کی ٹانگوں پر زخم آئے ہیں، تاہم وہ ہوش میں ہیں اور اس وقت ایک انتہائی محفوظ مقام پر موجود ہیں، مجتبیٰ خامنہ ای 28 فروری کے حملے میں زخمی ہوئے تھے، سپریم لیڈر بننے کے بعد ابھی تک مجتبیٰ خامنہ ای کا کوئی بیان سامنے نہیں آیا۔
صدر اور وزیراعظم کی نیپال کی نئی قیادت کو انتخابی کامیابی پر مبارکباد