پاکستان ریلوے نے عیدالفطر کے تین روزہ دورانیے میں شاندار کارکردگی دکھاتے ہوئے مجموعی طور پر 48 کروڑ روپے کی آمدن حاصل کی ہے۔
ذرائع کے مطابق عید کے پہلے دن 11 کروڑ روپے، دوسرے دن 17 کروڑ اور تیسرے دن 20 کروڑ روپے آمدن ہوئی، جبکہ تمام ٹرینوں کی ریزرویشن مکمل طور پر بک رہی۔
مسافروں کی بڑھتی ہوئی تعداد کے پیش نظر پاکستان ریلوے کی جانب سے چار خصوصی ٹرینیں بھی چلائی گئیں تاکہ اضافی رش کو بہتر انداز میں سنبھالا جا سکے۔
ریلوے حکام کے مطابق یہ مدت مسافر سہولیات اور ریونیو کے حوالے سے انتہائی کامیاب رہی، اور عید کے دوران عوام نے بڑی تعداد میں ٹرین سفر کو ترجیح دی۔
عید پر پاکستان ریلوے کی بڑی کمائی، تین دن میں 48 کروڑ روپے حاصل
