ایبی گیٹ حملےکے ماسٹر مائنڈ کو پاکستان نےگرفتار کرکے امریکا کے حوالے کیا،
افغانستان میں طالبان رجیم کے دوران القاعدہ، داعش خراسان اور دیگر عالمی دہشتگرد تنظیموں کی موجودگی پر عالمی برادری کے تحفظات بڑھ گئے ہیں۔ امریکی انسدادِ دہشتگردی رپورٹ 2026 کے مطابق افغانستان اب بھی دہشتگردی کے خطرات کا بڑا مرکز ہے۔ رپورٹ میں ایبی گیٹ حملے کے ماسٹر مائنڈ کی گرفتاری کا ذکر کرتے ہوئے پاکستان کے کردار کو سراہا گیا، جبکہ امریکا نے داعش اور القاعدہ کے خلاف کارروائیاں تیز کرنے اور شراکت دار ممالک سے تعاون بڑھانے کا اعلان کیا ہے۔ ماہرین کے مطابق افغان سرزمین آج بھی دہشتگردوں کی محفوظ پناہ گاہ بنی ہوئی ہے، جس کے باعث افغانستان عالمی سطح پر تنہائی کا شکار ہے اور اس کا نقصان افغان عوام کو اٹھانا پڑ رہا ہے۔
برطانوی اخبار کی دی ٹیلی گراف کی رپورٹ میں کہا گیا ہےکہ واشنگٹن میں بھارت کی شدید لابنگ کے باوجود اس بارپاکستان کو واضح سفارتی سبقت حاصل ہوئی۔دی ٹیلی گراف کی رپورٹ میں کہا گیا ہےکہ ایبی گیٹ حملے کے ملزم شریف اللہ کی امریکا حوالگی ٹرمپ انتظامیہ سے پاکستان کے قریبی تعلقات کا بڑا ٹرننگ پوائنٹ بنی۔اخبار کے مطابق امریکی کانگریس سے خطاب میں صدر ٹرمپ نے دہشت گردی کے خلاف عملی تعاون پر پاکستان کا خصوصی شکریہ ادا کیا۔پاکستان کی سفارتی کامیابیوں کے حوالے سے برطانوی اخبار کا کہنا ہےکہ واشنگٹن میں بھارت کی شدید لابنگ کے باوجود اس بار پاکستان کو واضح سفارتی سبقت حاصل ہوئی، وزیراعظم پاکستان اور فیلڈ مارشل عاصم منیر کواوول آفس میں براہ راست رسائی ملی۔
قبل ازیں امریکی سیکریٹری دفاع پیٹ ہیگستھ کا کہنا تھا کہ افغانستان سے امریکی انخلا پر تاریخی جائزہ شروع ہو گیا۔ ایبی گیٹ حملے سے لے کر افراتفری میں کیے گئے انخلا تک، سب کچھ زیرِ جائزہ آئے گا۔ بائیڈن کے فیصلے نے امریکی وقار اور ڈیٹرنس کو کمزور کیا، جبکہ دنیا نے امریکا کو طیاروں سے لٹکتے لوگوں کے مناظر میں رخصت ہوتے دیکھا۔ یہ مکمل احتساب کا تقاضا کرتا ہے،