گوادر اور پسنی میں عیدالاضحٰی کی خوشیوں کا دلکش سماں، شاندار ثقافت اور روایات کا حسین امتزاج نظر آیا
عیدالاضحیٰ کے دوسرے روز گوادر کے میلہ گاہ میں منعقدہ عید میلہ عوام کی توجہ کا مرکز بن گیا،ثقافتی، تفریحی اور عوامی سرگرمیوں کے مرکز گوادر میلہ میں شرکاء نے جوش و خروش سے شرکت کی ،عید میلے میں کھانے پینے اور ٹھنڈے مشروبات کے اسٹالز پر شہریوں نے مقامی ذائقوں سے خوب لطف اٹھایا،مختلف عمر کے افراد اور خاندانوں کی بھرپور شرکت نے گوادر عید میلے کی رونقوں کو مزید بڑھا دیا
دوسری جانب پسنی کے جدی پارک میں منعقدہ عید میلہ بھی عوامی دلچسپی کا مرکز بنا رہا،پسنی عید میلے میں روایتی لباس، زیورات اور دستکاریوں کے اسٹالز نے مقامی ثقافت اور روایات کو اجاگر کیا،بچوں، نوجوانوں اور خاندانوں نے تفریحی سرگرمیوں میں بھرپور دلچسپی لے کر عید خوشیوں کو دوبالا کر دیا
عید میلوں نے مقامی کاروباری سرگرمیوں کے ساتھ ساتھ سماجی ہم آہنگی کو بھی فروغ دیا ،عوامی حلقوں نے عید میلوں کو ثقافتی فروغ، سماجی ہم آہنگی اور صحت مند تفریح کا مثبت ذریعہ قرار دیا