اسلام آباد: وفاقی بجٹ سے قبل حکومتی صفوں میں ناراض اراکین کو متحرک اور مطمئن کرنے کی کوششوں کے تحت وزیراعظم شہباز شریف نے چار نئے پارلیمانی سیکرٹریز کی تقرری کی منظوری دے دی۔
وزیراعظم کی منظوری کے بعد وزارتِ پارلیمانی امور نے تقرریوں کا باقاعدہ نوٹیفکیشن جاری کر دیا ہے۔جاری کردہ نوٹیفکیشن کے مطابق محمد نعمان کو پارلیمانی سیکرٹری برائے منصوبہ بندی، ترقی اور خصوصی اقدامات مقرر کیا گیا ہے، جبکہ دانیال احمد کو پارلیمانی سیکرٹری اسٹیبلشمنٹ تعینات کیا گیا ہے۔اسی طرح شائستہ خان کو پارلیمانی سیکرٹری برائے نیشنل فوڈ سیکیورٹی اینڈ ریسرچ اور اختر بی بی کو پارلیمانی سیکرٹری برائے بورڈ آف انویسٹمنٹ مقرر کر دیا گیا ہے۔
سیاسی حلقوں کے مطابق یہ تقرریاں وفاقی بجٹ کی منظوری سے قبل حکومتی اراکین کو اہم ذمہ داریاں دے کر پارٹی صفوں میں ہم آہنگی پیدا کرنے کی کوشش کا حصہ ہیں۔