سندھ میں بجٹ اجلاس کل ہو گا

مالی سال 27-2026 کا بجٹ پیش کرنے کیلئے سندھ اسمبلی کا بجٹ اجلاس کل ہوگا-

سندھ اسمبلی کا بجٹ اجلاس بدھ کے روز شام 4 بجے طلب کر لیا گیا ہے وزیراعلیٰ سندھ سید مراد علی شاہ ایوان میں نئے مالی سال کا بجٹ پیش کریں گے بجٹ اجلاس سے قبل سندھ کابینہ کا اجلاس بھی ہوگا جس میں بجٹ تجاویز کی منظوری دی جائے گی سندھ اسمبلی کا بجٹ اجلاس تقریباً پانچ روز تک جاری رہنے کا امکان ہے جبکہ ایوان میں ضمنی بجٹ بھی پیش کیا جائے گا آئندہ ہفتے سندھ بجٹ کی منظوری متوقع ہے۔

دوسری جانب پنجاب اسمبلی کا 43 واں بجٹ اجلاس آج دوپہر 2 بجے منعقد ہوگا جس کی صدارت اسپیکر ملک محمد احمد خان کریں گے اجلاس میں آئندہ مالی سال کا اہم بجٹ پیش کیا جائے گا جس میں ترقیاتی منصوبوں اور سرکاری اخراجات کے نئے اہداف مقرر کیے جائیں گے-