لاہور: صوبائی دارالحکومت کے علاقے شالیمار میں گھریلو تنازع خونی تصادم میں تبدیل ہو گیا، جہاں ایک بھائی نے فائرنگ کر کے اپنے ہی بھائی کو قتل کر دیا۔
پولیس کے مطابق واقعہ گھریلو جھگڑے کے دوران پیش آیا، جس میں ملزم نے 45 سالہ شاہد پر فائرنگ کر دی۔ شدید زخمی حالت میں انہیں فوری طور پر اسپتال منتقل کیا گیا، تاہم وہ دورانِ علاج دم توڑ گئے۔
واقعے کے بعد ملزم جائے وقوعہ سے فرار ہو گیا، جبکہ اطلاع ملنے پر پولیس اور فرانزک ٹیم موقع پر پہنچ گئی اور شواہد اکٹھے کر لیے۔
پولیس کا کہنا ہے کہ مقدمہ درج کر کے ملزم کی گرفتاری کے لیے چھاپے مارے جا رہے ہیں، جبکہ واقعے کی مختلف پہلوؤں سے تحقیقات بھی جاری ہیں۔ حکام کے مطابق ملزم کو جلد گرفتار کر کے قانون کے کٹہرے میں لایا جائے گا۔
لاہور: گھریلو تنازع پر بھائی کے ہاتھوں بھائی قتل، ملزم فرار
