ایران کے سپریم لیڈر آیت اللہ مجتبیٰ خامنہ ای نے کہا ہے کہ وہ اپنے والد اور سابق رہبرِ اعلیٰ آیت اللہ علی خامنہ ای کے قتل کا بدلہ لے کر رہیں گے۔
برطانوی خبر رساں ادارے رائٹرز کے مطابق مجتبیٰ خامنہ ای نے اپنے ٹیلیگرام پیغام میں کہا کہ میرے شہید والد کے خون کا بدلہ لینا قوم کا مطالبہ ہے اور یہ ضرور لیا جائے گا،ان کا یہ بیان مشہد میں رہبرِ اعلیٰ آیت اللہ سید علی خامنہ ای کی تدفین کے بعد سامنے آیا جس میں لاکھوں سوگواروں نے شرکت کرکے اپنے قائد کو عقیدت اور احترام کے ساتھ الوداع کہا آیت اللہ علی خامنہ ای 28 فروری کو امریکی اور اسرائیلی فضائی حملوں میں شہید ہوئے تھے۔
والد کے قتل کا بدلہ لینے کے عزم کا اعادہ کرتے ہوئے خامنہ ای نے کہا کہ ہمارے شہید قائد کے مجرم اور رسوا قاتل، جن کے نام اوپر سے نیچے تک مکمل طور پر ریکارڈ پر موجود ہیں، اپنے بستر پر پُرسکون موت مرنے کا خواب کبھی پورا نہیں کر سکیں گے بلکہ یہی خواب اپنے ساتھ قبر میں لے جائیں گے۔
واضح رہے کہ ایرانی قیادت اس سے پہلے بھی کئی مواقع پر اپنے سابق سپریم لیڈرآیت اللہ خامنہ ای کی شہادت کا بدلہ لینے کا اعلان کر چکی ہے۔