بلوچستان کے ضلع مستونگ کے علاقے کھڈکوچہ میں ایک باغ میں ہونے والے دھماکے کے نتیجے میں 3 افراد جاں بحق اور 3 زخمی ہوگئے۔
پولیس کے مطابق دھماکے کے بعد لاشوں اور زخمیوں کو مستونگ اسپتال منتقل کردیا گیا، جبکہ دھماکے کی آواز دور دراز علاقوں میں بھی سنی گئی۔پولیس اور قانون نافذ کرنے والے اداروں نے علاقے کو گھیرے میں لے کر بم ڈسپوزل اسکواڈ کو طلب کرلیا ہے۔پولیس کا کہنا ہے کہ دھماکے کی نوعیت اور وجوہات کا تعین کیا جا رہا ہے، جبکہ واقعے کی مزید تحقیقات جاری ہیں۔