کورنگی کراسنگ پل پرپولیس اور ڈاکووں کے درمیان فائرنگ کے تبادلے میں شدید زخمی ہونے والا پولیس کانسٹیبل دورانِ علاج زخموں کی تاب نہ لاتے ہوئے نجی اسپتال میں دم توڑ گیا۔
تفصیلات کے مطابق ہفتے کوکورنگی صنعتی ایریا تھانے کے علاقے کورنگی کراسنگ پل پرپولیس اور ڈاکووں کے درمیان فائرنگ کے تبادلے میں شدید زخمی ہونے والا پولیس کانسٹیبل28سالہ اویس تنولی ولد محمد یوسف دورانِ علاج زخموں کی تاب نہ لاتے ہوئے نجی اسپتال میں جامِ شہادت نوش کرگئے۔
پولیس کانسٹیبل کی شہادت پر ایڈیشنل آئی جی کراچی اور آئی جی سندھ نے گہرے دکھ اور افسوس کا اظہار کرتے ہوئے شہید کے اہلِ خانہ سے دلی تعزیت اور ہمدردی کا اظہار کیا،پولیس چیف نے متعلقہ افسران کو پولیس مقابلے میں ملوث ملزمان کی جلد از جلد گرفتاری اور انہیں قانون کے کٹہرے میں لانے کے لیے تمام دستیاب وسائل بروئے کار لانے کی ہدایت کی ہے۔
ایڈیشنل آئی جی کراچی نے کہا کہ شہید اویس نے فرض کی ادائیگی کے دوران اپنی جان کا نذرانہ پیش کرکے بہادری اور فرض شناسی کی اعلیٰ مثال قائم کی۔پولیس چیف نے متعلقہ افسران کو پولیس مقابلے میں ملوث ملزمان کی جلد از جلد گرفتاری اور انہیں قانون کے کٹہرے میں لانے کے لیے تمام دستیاب وسائل بروئے کار لانے کی ہدایت کی ہے۔
انہوں نے دعا کی کہ اللہ تعالیٰ شہید کے درجات بلند فرمائے اور اہلِ خانہ کو صبرِ جمیل عطا فرمائے،آئی جی سندھ جاویدعالم اوڈھو نے بھی کورنگی میں فرض کی ادائیگی کے دوران زخمی ہونے کے بعد شہادت پانے والے پولیس اہلکار کانسٹیبل اویس کو زبردست خراج عقیدت،اہل خانہ سے تعزیت کی۔
آئی جی سندھ کا کہنا تھا کہ کانسٹیبل اویس نے جرائم پیشہ عناصر کا مردانہ وار مقابلہ کرتے ہوئے فرض کی راہ میں اپنی جان قربان کی، جو سندھ پولیس کے بہادر جوانوں کی غیر معمولی جرأت اور عزم کی عکاسی ہےآئی جی سندھ کا شہید کے اہل خانہ سے تعزیت اور دلی ہمدردی کا اظہار کیا، شہید کے خاندان کی ہر ممکن سرپرستی اور معاونت سندھ پولیس کی ذمہ داری ہےاللہ تعالیٰ شہید کے درجات بلند فرمائے، ان کی قربانی کو قبول فرمائے اور لواحقین کو صبر و استقامت عطا فرمائے۔