وفاقی تعلیمی بورڈ نے انٹرمیڈیٹ پارٹ ون اور پارٹ ٹو کے سالانہ امتحانات 2026 کے نتائج کا اعلان کردیا، جس میں مختلف گروپس میں نمایاں کارکردگی کا مظاہرہ کرنے والے طلبہ نے پوزیشنز حاصل کیں۔
نتائج کے مطابق پری میڈیکل گروپ میں آرمی پبلک اسکول کی طالبہ عمارہ اظہر نے 1079 نمبر حاصل کرکے پہلی پوزیشن اپنے نام کرلی۔ پنجاب کالج کے طالب علم محمد جہانزیب نے 1078 نمبر حاصل کرکے دوسری پوزیشن حاصل کی، جبکہ سیدہ ایمان فاطمہ 1076 نمبروں کے ساتھ تیسری پوزیشن پر رہیں۔
پری انجینئرنگ گروپ میں ایمان ارجمند نے 1075 نمبر حاصل کرکے پہلی پوزیشن حاصل کی۔ زینب سمیع نے 1070 نمبروں کے ساتھ دوسری جبکہ عنزہ فاطمہ نے 1068 نمبر حاصل کرکے تیسری پوزیشن حاصل کی۔
وفاقی تعلیمی بورڈ کے انٹرمیڈیٹ سالانہ امتحانات کے نتائج کے اعلان کے بعد کامیاب امیدواروں میں خوشی کی لہر دوڑ گئی، جبکہ پوزیشن ہولڈرز نے اپنی کامیابی کو محنت، مستقل مزاجی اور اساتذہ و والدین کی رہنمائی کا نتیجہ قرار دیا۔