نارووال میں ایک انتہائی افسوسناک واقعہ پیش آیا، جہاں ایک لڑکی بس کے نیچے آ کر جاں بحق ہوگئی۔
پولیس کے مطابق لڑکی ایک گاڑی میں سوار تھی کہ محلے کے دو لڑکوں نے مبینہ طور پر اس کا پیچھا کیا اور اسے زبردستی اپنے ساتھ لے جانے کی کوشش کی۔پولیس کا کہنا ہے کہ لڑکی نے فرار ہونے کی کوشش کی، تاہم اسی دوران وہ بس کے نیچے آ گئی اور موقع پر ہی جاں بحق ہوگئی۔واقعے کے بعد دونوں مبینہ ملزمان فرار ہوگئے۔ پولیس کے مطابق ملزمان کی تلاش جاری ہے اور اس سلسلے میں سی سی ٹی وی کیمروں کی مدد بھی لی جا رہی ہے۔