پشاور: ایڈیشنل ایڈووکیٹ جنرل خیبرپختونخوا محمد انعام یوسفزئی نے استعفی دے دیا۔
انعام یوسف زئی نے اپنا استعفیٰ وزیراعلیٰ خیبرپختونخوا کو ارسال کر دیا ہے،محمد انعام یوسفزئی کا کہنا تھا کہ بطور ایڈیشنل ایڈووکیٹ جنرل ذمہ داری ادا کرنا میرے لیے اعزاز کی بات ہے، تاہم تاہم ذاتی وجوہات کی بنا پر مزید اس پوسٹ پر کام جاری نہیں رکھ سکتا-
انہوں نے اپنے دورِ ملازمت کے دوران تعاون پر وزیر قانون اور سیکرٹری قانون کا شکریہ ادا کرتے ہوئے کہا کہ انہیں اس اہم عہدے پر کام کرنے کا موقع ملا، جس پر وہ متعلقہ حکام کے شکر گزار ہیں دوسری جانب تاحال ان کے استعفے کی وجوہات یا حکومت کی جانب سے نئے ایڈیشنل ایڈووکیٹ جنرل کی تقرری کے حوالے سے کوئی باضابطہ اعلان سامنے نہیں آیا۔