بھارتی ایئرلائن ایئر انڈیا کے ایک پائلٹ کو، جو بطور مسافر دہلی سے سان فرانسسکو جانے والی پرواز میں سفر کر رہا تھا، امریکی حکام نے مبینہ طور پر چرس رکھنے کے الزام میں روک لیا اور واپس بھارت بھیج دیا۔
ذرائع کے مطابق، یہ واقعہ 14 اپریل کو پیش آیا جب پائلٹ اگلی پرواز کی ڈیوٹی کے لیے جا رہا تھا۔ ایئر لائن کے ترجمان نے بیان میں کہا کہ عملے کے ایک رکن کو مقامی قوانین کے مطابق امریکہ میں داخلے کی اجازت نہیں دی گئی اور اسے واپس بھارت بھیج دیا گیا۔ذرائع کا کہنا ہے کہ متعلقہ کو پائلٹ کے پاس مبینہ طور پر چرس موجود تھی۔ واقعے کے بعد پائلٹ کو ڈیوٹی شیڈول سے ہٹا دیا گیا ہے۔ترمان کے مطابق یہ پائلٹ "ڈیڈ ہیڈنگ” پر تھا، جس کا مطلب ہے کہ وہ بطور مسافر اپنی آئندہ ڈیوٹی کے مقام پر جا رہا تھا۔ اس معاملے کی اندرونی تحقیقات شروع کر دی گئی ہیں۔
ایئر انڈیا نے اپنے بیان میں کہا کہ وہ قوانین کی خلاف ورزی پر زیرو ٹالرنس پالیسی رکھتی ہے اور حفاظتی و پیشہ ورانہ معیارات پر سختی سے عمل کرتی ہے۔ کمپنی کے مطابق، قواعد کے مطابق سخت تادیبی کارروائی کی جائے گی۔