بانی پی ٹی آئی ڈیل کر رہے؟بیرسٹر گوہرنے اندر کی بات بتا دی

چیئرمین پی ٹی آئی بیرسٹر گوہر نے کہا ہے کہ بانی پی ٹی آئی عمران خان کسی قسم کی ڈیل نہیں کررہے اور وہ عمران خان کے جیل میں رہنے کو ناحق سمجھتے ہیں۔

پارلیمنٹ ہاؤس میں میڈیا سے گفتگو کرتے ہوئے بیرسٹر گوہر نے کہا کہ وفاقی حکومت کی نظرثانی درخواست کو تاحال کوئی نمبر الاٹ نہیں ہوا۔ میری درخواست ہے کہ عدالتی آرڈر پر عملدرآمد ہونے دیا جائے، اس آرڈر تک پہنچنے میں پہلے ہی بہت وقت لگ چکا ہے۔انہوں نے کہا کہ جن لوگوں نے نورین نیازی کی عمران خان سے ملاقات کا وعدہ کیا تھا، انہوں نے اپنا وعدہ پورا کیا، جسے وہ سراہتے ہیں۔بیرسٹر گوہر کا کہنا تھا کہ نورین نیازی کی عمران خان سے ملاقات کے بعد ان کی ان سے بات نہیں ہوئی، تاہم نورین نیازی نے ملاقات کے بعد بات نہ کرکے اپنے الفاظ کا لحاظ رکھا ہے۔چیئرمین پی ٹی آئی نے ایک بار پھر واضح کیا کہ عمران خان کوئی ڈیل نہیں کررہے اور بانی پی ٹی آئی کو جیل میں رکھنا ناانصافی ہے۔