برطانیہ نے پاکستانی یوٹیوبر رجب بٹ کو ملک بدر کر دیا ہے۔
ذرائع کے مطابق رجب بٹ کو برطانوی حکام نے ویزا منسوخ ہونے کے بعد ملک چھوڑنے کا حکم دیا، جس کے بعد وہ آج صبح کی پرواز کے ذریعے پاکستان روانہ ہو گئے۔نجی ٹی وی کے مطابق برطانوی امیگریشن حکام کے مطابق رجب بٹ کا ویزہ اس وقت منسوخ کیا گیا جب یہ بات سامنے آئی کہ انہوں نے اپنی ویزہ اپلیکیشن میں جاری قانونی مقدمات کا ذکر نہیں کیا تھا۔ حکام کا کہنا ہے کہ کسی بھی قسم کی قانونی کارروائی یا کیس کو چھپانا ویزا قوانین کی سنگین خلاف ورزی تصور کی جاتی ہے، جس کے باعث ان کے خلاف فوری کارروائی عمل میں لائی گئی،رپورٹس کے مطابق رجب بٹ کو ملک بدری سے قبل امیگریشن آفس میں باضابطہ انٹرویو کے لیے بھی بلایا گیا، جہاں انہیں فیصلے سے آگاہ کیا گیا۔ ویزا منسوخ ہونے کے بعد انہیں مخصوص مدت کے اندر برطانیہ چھوڑنے کی ہدایت کی گئی، جس پر عمل کرتے ہوئے وہ وطن واپس لوٹ آئے۔