قابض بھارت مقبوضہ کشمیر میں حریت پسند آوازوں کو کچلنے میں مصروف ہے
بھارت کی جبر و استبداد اور ناحق سزاؤں سےکشمیریوں کی جدوجہد آزادی کو دبانے کی گھناؤنی سازشیں جاری ہیں،مقبوضہ جموں و کشمیر میں خاتون حریت پسند رہنما کو سزا بھارتی حکومت کے سفاکانہ دور کا ایک اور سیاہ ترین باب ہے،کشمیر میڈیا سروس کے مطابق کٹھ پتلی بھارتی عدالت نے بہادر آزادی پسند رہنما آسیہ اندرابی کو مجرم قرار دے دیا،نئی دہلی کی عدالت نے دختران ِملت تنظیم کی سربراہ آسیہ اندرابی کو سیاسی مقدمہ میں مجرم قرار دیا، حریت پسند فہمیدہ صوفی اور ناہیدہ نسرین کو بھی قصور وار قرار دیا گیاجبکہ سزائیں17 جنوری کو سنائی جائیں گی،حریت پسند رہنماؤں کیخلاف جھوٹا مقدمہ بدنام زمانہ بھارتی نیشنل انویسٹی گیشن ایجنسی کی عدالت میں چلایا گیا ، سیاسی اورجھوٹے مقدمہ میں حریت پسند رہنما آسیہ اندرابی کو اپریل 2018 میں گرفتار کیا گیا تھا،آسیہ اندرابی نے1987 میں خواتین کی قیادت میں ایک آزادی پسند تنظیم دخترانِ ملت کی بنیاد رکھی تھی، آسیہ اندرابی کے شوہرعاشق حسین گزشتہ تقریباً 3 دہائیوں سے من گھڑت مقدمہ پر بھارت میں ناحق قید ہیں، جابرانہ ہتھکنڈے غیر قانونی بھارتی قبضے کیخلاف کشمیری عوام کی منصفانہ جدوجہد کے جذبے کو پست نہیں کر سکتے