معرکۂ حق کے دوران پاک فوج کے بہادر افسر کیپٹن محمد حیدر علی نے میزائل لانچنگ آفیسر کی ذمہ داریاں انتہائی پیشہ ورانہ انداز میں انجام دیں اور میدانِ جنگ میں غیر معمولی مہارت کا مظاہرہ کیا۔
ذرائع کے مطابق کیپٹن محمد حیدر علی کی یونٹ نے اس معرکے میں مثالی کارکردگی دکھائی، جس نے دشمن کے عزائم کو ناکام بنانے اور فتح کے حصول میں کلیدی کردار ادا کیا۔ ان کی قیادت اور حکمتِ عملی کے باعث آپریشنل کامیابیوں میں نمایاں اضافہ ہوا۔معرکے کے دوران فتح ون میزائل کے مؤثر اور درست فائر نے دشمن کے اہم ٹھکانوں کو نشانہ بنایا، جس سے اس کی جارحانہ منصوبہ بندی کو شدید دھچکا پہنچا۔ اطلاعات کے مطابق دشمن کے ممکنہ اہداف میں پٹھان کوٹ ایئر بیس اور مامون ایوی ایشن بیس شامل تھے۔
کیپٹن محمد حیدر علی کی جرات، پیشہ ورانہ مہارت اور غیر معمولی کارکردگی کے اعتراف میں انہیں ستارۂ بسالت سے نوازا گیا، جو ان کی قربانیوں اور خدمات کا باضابطہ اعتراف ہے۔یہ اعزاز ان کی اس شاندار جنگی تاریخ کی عکاسی کرتا ہے جس میں انہوں نے مادرِ وطن کے دفاع کے لیے اہم اور فیصلہ کن کردار ادا کیا۔