مسلم لیگ ن کے چوہدری طارق فاروق آزاد کشمیر قانون ساز اسمبلی کے 15ویں اسپیکر منتخب ہوگئے۔ اسپیکر کے انتخاب کے لیے ہونے والی پولنگ اور ووٹوں کی گنتی کا عمل مکمل ہونے کے بعد نتائج کا اعلان کیا گیا۔
انتخاب میں مسلم لیگ ن کے امیدوار چوہدری طارق فاروق نے 32 ووٹ حاصل کرکے کامیابی حاصل کی، جبکہ پیپلز پارٹی کے امیدوار قاسم مجید کو 13 ووٹ ملے۔
اسپیکر منتخب ہونے کے بعد چوہدری طارق فاروق قائم مقام صدر آزاد کشمیر کا منصب بھی سنبھال لیں گے۔ ان کی کامیابی کے ساتھ آزاد کشمیر کی نئی قانون ساز اسمبلی کی تشکیل کا ایک اہم مرحلہ بھی مکمل ہوگیا ہے۔
واضح رہے کہ آزاد کشمیر میں عام انتخابات کے بعد نئی قانون ساز اسمبلی کی تشکیل کا عمل جاری تھا۔ مخصوص نشستوں پر انتخاب کے بعد نومنتخب ارکان نے بھی گزشتہ روز حلف اٹھایا تھا، جس کے بعد اسپیکر کے انتخاب کے لیے پولنگ کرائی گئی۔
چوہدری طارق فاروق کی بطور اسپیکر کامیابی کے بعد آزاد کشمیر قانون ساز اسمبلی کے آئینی و پارلیمانی امور کا باقاعدہ آغاز بھی مزید آگے بڑھ گیا ہے۔