وزیر اعلیٰ پنجاب مریم نواز سے ازبکستان کی خود مختار ریاست قراقلی پاقستان کے وفدکی ملاقات ہوئی ہے
وفد نے وزیراعلیٰ کو پنجاب کی طرز پر قراقلی پاقستان میں خصوصی اقتصادی زون میں شمولیت کی دعوت دی، دونوں ممالک کے درمیان سیاحت اور ثقافتی تبادلہ کے فروغ دینے پر اتفاق کیا گیا ،وفد نے وزیر اعلیٰ مریم نواز کو ازبکستان اور قراقلی پاقستان کے دورے کی دعوت دی،وزیراعلیٰ مریم نواز شریف نے دورے کی دعوت کو شکریہ کے ساتھ قبول کیا، قراقلی پاقستان کوآلو کی کاشت کیلئے 100 سے 200 ہیکٹر زمین دینے کا جائزہ لیا گیا،دونوں رہنماؤں نےلاہور اور نوکوس کو جڑواں شہر قرار دینے کی تجویز کا جائزہ لیا،ملاقات میں تجارت، زراعت، لائیوسٹاک اور صنعتی تعاون کو مزید فروغ دینے پر اتفاق کیا گیا، پنجاب اور قراقلی پاقستان کے درمیان باہمی تجارتی حجم بڑھانے پر تبادلہ خیال کیا گیا، وزیراعلیٰ پنجاب مریم نواز کا کہنا تھا کہ پنجاب سے قراقلی اور ازبکستان کی30ہزار مویشیوں کی سالانہ طلب پور ی کرنے کا جائزہ لیا جائے گا،
وزیراعلیٰ مریم نواز نے لاہور میں ازبکستان کی طرف سے ٹیکسٹائل انڈسٹری میں دلچسپی کا خیرمقدم کیا،اور کہا کہ پنجاب حکومت غیر ملکی سرمایہ کاروں کیلئے بہترین مواقع فراہم کررہی ہے، پاکستان ، ازبکستان تجارتی راہداری اور علاقائی تعاون کو وسعت دینےکے امکانات ہیں ،