وزیراعلی پنجاب مریم نوازشریف ان ایکشن، لاہور پولیس کا تاریخی اقدام سامنے آیا ہے
وزیراعلیٰ پنجاب مریم نواز شریف کے فوری نوٹس، لاہور پولیس کو دو گھنٹے کا ٹاسک، لاہورپولیس کی برق رفتار کارروائی، غیرملکی خواتین بازیاب کروا لی گئیں،وزیر اعلی مریم نواز نے ہالینڈ سے موصول اغواء کی15 کال فوری ایکشن کے لیے پولیس 2 گھنٹوں کا ٹاسک دیا،پولیس نے دو کھنٹوں میں غیر ملکی خواتین بازیاب کروا کر 4ملزمان کو گرفتارکیا ، ہالینڈ اور وینزویلا سے تعلق رکھنے والی خواتین اپنے دوستوں سے ملنے پاکستان آئیں ،ہالینڈ میں موجود خاتون کے والد نے پاکستان میں ایمرجنسی 15 کال کر کے اغواء کی اطلاع دی،درج مقدمے کے مطابق ملزمان نے خواتین کو اغواء کیا اور 1.5 ملین ڈالر تاوان مانگا ،ملزمان پر خواتین سے زیادتی کرنے کا بھی الزام ہے،
ڈی آئی جی آپریشنز لاہور فیصل کامران کا کہنا ہے کہ غیر ملکی خاتون کے والد کی اطلاع پر پولیس نے فوری ریسکیو آپریشن شروع کیا،سیف سٹی کی مدد سے ملزمان کو ٹریس کر کے مغوی خواتین بازیاب کرائی گئیں،ملزمان کے خلاف تھانہ ڈیفنس سی میں مقدمہ نمبر 1560/26 درج کر لیا گیا، چار ملزمان گرفتار،دیگر کی گرفتاری کے لیے چھاپے جاری ہیں،متاثرہ خواتین کا طبی معائنہ، شواہد کی روشنی میں مزید قانونی کارروائی جاری ہے،واقعے میں ملوث تمام ملزمان کو قانون کے کٹہرے میں لایا جائے گا، وزیراعلیٰ پنجاب مریم نواز شریف کے لیے خواتین کے خلاف جرائم ریڈ لائن ہیں،خواتین کے تحفظ پر کسی قسم کا سمجھوتہ نہیں کیا جائے گا،
واضح رہے کہ لاہور کے علاقے ڈیفنس میں غیرملکی خواتین کو مبینہ طور پر زیادتی کا نشانہ بنایا گیا جبکہ ان سے لاکھوں ڈالر تاوان بھی طلب کرلیا گیا،اس سلسلے میں درج ایف آئی آر کے مطابق ملزم نے متاثرہ خواتین سے بیرون ملک دوستی کی اور انہیں پاکستان بلا لیا،ایف آئی آر کے متن میں تحریر کیا گیا کہ 29 جون کو دونوں خواتین لاہور پہنچیں، ملزم دونوں خواتین کو ڈیفنس میں واقع گھر میں لے گیا، ایک خاتون سے زیادتی کی کوشش کی گئی جبکہ دوسری خاتون کو تین ملزمان نے زیادتی کا نشانہ بنایا،ایف آئی آر کے مطابق خواتین کا بیرون ملک رابطہ کروا کر ڈیڑھ ملین ڈالر تاوان مانگا گیا۔