لاہور: پولیس نے پی ٹی آئی کی سوشل میڈیا ایکٹوسٹ فلک جاوید کو جناح ہاؤس حملہ کیس میں گرفتار کرلیا۔
پولیس نے ملزمہ کو گرفتار کرکے انسدادِ دہشت گردی کی عدالت کے روبرو پیش کیا اور تفتیش کے لیے جسمانی ریمانڈ کی استدعا کی لاہورکی انسداد دہشت گردی عدالت کے جج ملک عابد حسین نے پولیس کی درخواست پر سماعت کی،عدالت نے پولیس کی درخواست منظور کرتے ہوئے ملزمہ فلک جاوید کا پانچ روزہ جسمانی ریمانڈ منظورکرلیا،، پولیس کے مطابق تھانہ سرور روڈ میں فلک جاوید کے خلاف مقدمہ درج ہے۔
اس سے قبل آج انسداد دہشت گردی عدالت لاہور نے زمان پارک کے باہر پولیس پر حملہ کیس میں فلک جاویدکی ضمانت منظور کی تھی،انسداد دہشت گردی عدالت لاہور کے جج ملک عابد حسین نے فلک جاوید کی ضمانت بعد از گرفتاری منظور کی،پراسیکیوشن کی جانب سے فلک جاوید کی ضمانت کی مخا لفت کی گئی فلک جاوید پر تھانہ ریس کورس میں پولیس پر حملہ سمیت دیگر دفعات کے تحت مقدمہ درج ہے،فلک جاوید 9 مئی کےکیسز میں جیل میں قید ہیں۔