ایف بی آر کی کارکردگی بارے تنقید کی گئی،مثبت تنقید خوش آئند ہے،وزیر خزانہ

وزیر خزانہ محمد اورنگزیب کا کہنا ہے کہ نئے سسٹم میں ٹیکس گزار اور ٹیکس افسر کے درمیان تعلق ختم ہوگا اور فیس لیس سسٹم اس کی جگہ لے گا۔

قومی اسمبلی کے بجٹ سے متعلق اجلاس میں وزیر خزانہ نے کہا کہ ہماری کوششیں رنگ لائیں اور خطے میں جنگ کے بادل چھٹ گئے جس کے لیے فیلڈ مارشل عاصم منیر، وزیراعظم شہبازشریف اور عوام کو مبارکباد دیتا ہوں، پاکستان نےجنگ رکوا کر بڑا کارنامہ سرانجام دیا،انہوں نے کہا کہ وزیراعظم نےگزشتہ بجٹ میں ہی سمت واضح کردی جس کےباعث معاشی استحکام آیا، ہماری صنعتیں رواں دواں ہیں اور کرنٹ اکاؤنٹ خسارہ سرپلس ہے، ہمارا برآمدی شعبہ بہتری دکھا رہا ہے، آئی ٹی ایکسپورٹ میں 20 فیصد اضافہ ہوا ہے، ہم نے ٹیکس نظام میں بنیادی اصلاحات کی ہیں ،ٹیکس گزار اور ٹیکس افسر کے درمیان تعلق ختم ہوگا اور فیس لیس سسٹم اسکی جگہ لے گا ،ایف بی آر کی کارکردگی بارے تنقید کی گئی ہے اور مثبت تنقید خوش آئند ہے ،ہماری حکومت نے 14 ارب ڈالر کے محصولات فقط دو سال میں حاصل کئے ہیں ،اور یہ 1988ء سے اب تک ایک ریکارڈ اور وزیراعظم کی بہترین رہنمائی ہے ،زراعت کے شعبے پر بحث کی گئی، زراعت ریڑھ کی ہڈی ہے ،اس حوالے سے حکومت نے چھوٹے کاشتکاروں کو ریلیف دینے کیلئے 300 ارب روپے کی بلا سود قرض دیا جارہا ہے ،اس سے ساڑھے سات لاکھ چھوٹا کاشتکار مستفید ہوگا

وزیر خزانہ محمد اورنگزیب نے کفایت شعاری اور بچت پالیسی کے تحت پانچ ارب روپے کی بچت پر سپیکر قومی اسمبلی سردار ایاز صادق کو خراج تحسین پیش کیا،اراکین نے بھی ڈیسک بجا کر سپیکر قومی اسمبلی کو خراج پیش کیا