سانحہ کاہنہ افسوسناک ،حقیقی ذمہ داروں کا تعین ضروری ہے،ڈاکٹر مزمل اقبال ہاشمی

مرکزی مسلم لیگ کے ترجمان ڈاکٹر مزمل اقبال ہاشمی نے کہا ہے کہ سانحہ کاہنہ افسوسناک،پوری قوم غم میں مبتلا ہے، ذمہ دار وہ ہیں جنہوں نے بچوں‌کو کچی عمارت میں تعلیم پر مجبور کیا،14 بچوں کے والدین سے اظہار افسوس، زخمیوں کی صحتیابی کے لئے دعا گو ہیں،مرکزی مسلم لیگ کاہنہ میں تعلیم و صحت کے منصوبوں پر کام کرے گی

ان خیالات کا اظہار انہوں نے کاہنہ ٹیوشن سنٹر واقعہ میں جاں بحق بچوں کے والدین سے اظہار تعزیت کے بعد میڈیا سے گفتگو کرتے ہوئے کیا،ڈاکٹر مزمل اقبال ہاشمی کا کہنا تھا کہ ٹیوشن سنٹر کی چھت گرنے سے 14 بچوں کی موت کی وجہ سے پوری قوم غم میں مبتلا ہے،ہم والدین سے اہل علاقہ سے تعزیت کرتے ہیں،ضرورت اس امر کی ہے کہ سانحہ کاہنہ کے حقیقی ذمہ داروں کا تعین اور پھر انکے خلاف کاروائی ہونی چاہئے،سانحہ کاہنہ کے ذمہ دار وہ لوگ ہیں جنہوں نے لوگوں کو اس بات پر مجبور کیا کہ بچوں‌کو کچی عمارتوں میں‌تعلیم دی جائے،یہ وہی لوگ ہیں جو 11 ارب کا جہاز خریدتے ہیں اور اسمبلی فلور پر کہتے ہیں کہ ہم نے خریدے ہیں کیا کر لو گے، ذمہ دار وہ ہیں جو بجلی کے بلوں کے نیچے غریبوں کو دفن کر رہے ہیں، دکھ کی اس گھڑی میں مرکزی مسلم لیگ والدین کے ساتھ کھڑی ہے، کاہنہ نو میں مرکزی مسلم لیگ صحت وتعلیم کے منصوبوں پر کام کرے گی،