بار بار کیپیٹل پر چڑھائی اور اداروں پر حملے سیاسی رویہ نہیں،رانا ثناء اللہ

وزیراعظم کے مشیر برائے سیاسی امور رانا ثناء اللہ نے سینیٹ میں اظہارِ خیال کرتے ہوئے کہا ہے کہ غیر سیاسی اقدامات کے نتائج ہمیشہ سنگین ہوتے ہیں اور ماضی کے تجربات سے سبق سیکھنے کی ضرورت ہے۔

انہوں نے کہا کہ بار بار کیپیٹل پر چڑھائی اور ریاستی اداروں پر حملے کسی بھی صورت سیاسی رویہ قرار نہیں دیے جا سکتے۔ ان کا کہنا تھا کہ دنیا بھر میں اینٹی اسٹیٹ پراپیگنڈا کرنے کی کوشش کی گئی، جس سے ملک کی ساکھ کو نقصان پہنچا۔رانا ثناء اللہ نے کہا کہ قانون اور جیل رولز ملاقاتوں کو سیاسی مقاصد کے لیے استعمال کرنے کی اجازت نہیں دیتے، اس لیے تمام معاملات کو قواعد و ضوابط کے مطابق چلایا جانا چاہیے۔انہوں نے اس بات پر زور دیا کہ سیاسی کارکنوں پر ظلم اور زیادتی نہیں ہونی چاہیے اور سیاسی اختلافات کو قانون اور آئین کے دائرے میں رہ کر حل کیا جانا ضروری ہے۔