ایرانی مسلح افواج نے امریکا اور اسرائیل کے خلاف اپنی مزاحمت جاری رکھنے کا اعلان کرتے ہوئے کہا ہے کہ دونوں ممالک کی مکمل شکست تک ایران پیچھے نہیں ہٹے گا۔
ایرانی افواج کی جانب سے جاری بیان میں کہا گیا ہے کہ دشمن کے ہتھیار ڈالنے تک ایران اپنے جائز حقوق کے حصول کے لیے جدوجہد جاری رکھے گا۔ بیان میں واضح کیا گیا کہ ایران کسی بھی دباؤ کے سامنے اپنے مؤقف سے دستبردار نہیں ہوگا۔دوسری جانب ایرانی عدلیہ کے سربراہ غلام حسین محسنی نے کہا ہے کہ آبنائے ہرمز ایران کا ناقابلِ تقسیم حصہ ہے اور ملک کے علاقائی یا سرحدی حدود میں کسی بھی مہم جوئی کا فیصلہ کن جواب دیا جائے گا۔غلام حسین محسنی کا کہنا تھا کہ سیاست اور جنگ، دونوں محاذوں پر امریکی صدر ڈونلڈ ٹرمپ شکست سے دوچار ہیں۔ انہوں نے ٹرمپ اور ان کے مشیروں کو خبردار کرتے ہوئے کہا کہ متکبر امریکا کبھی آبنائے ہرمز میں قدم نہیں رکھ سکے گا۔
ایرانی حکام نے اپنے بیانات میں اس عزم کا اظہار کیا ہے کہ ایران اپنی خودمختاری، علاقائی سالمیت اور مفادات کے دفاع کے لیے ہر ممکن اقدام جاری رکھے گا۔