موسم کی خرابی،کراچی ایئر پورٹ پر پروازوں کو لینڈنگ میں مشکلات کا سامنا

شہر قائد کراچی میں بارشوں اور موسم کی خرابی کی وجہ سے ایئر پورٹ پر پروازوں کو لینڈنگ میں مشکلات کا سامنا ہے جس کی وجہ سے کئی پروازیں تاخیر کا شکار ہوئی ہیں تو وہیں دوحہ سے کراچی آنے والی پرواز کی لینڈنگ نہ ہو سکی

کراچی میں بارش اور موسم کی خرابی کی وجہ سے کراچی کے انٹرنیشنل ایئر پورٹ پر پروازوں کو لینڈنگ میں مشکلات کا سامنا ہے، ایوی ایشن ذرائع کے مطابق دوحہ سے کراچی آنے والی غیر ملکی پرواز نے کراچی ایئر پورٹ پر لینڈنگ کرنی تھی تا ہم موسم کی خرابی کی وجہ سے لینڈنگ نہ کر سکی،پرواز محفوظ لینڈنگ کے لئے ایک گھنٹہ چکر کاٹتی رہی اسکے باوجود لینڈنگ نہیں ہوئی،جس کے بعد پرواز کو مسقط روانہ کیا گیا اور پرواز نے مسقط میں لینڈنگ کی ہے،

علاوہ ازیں موسم کی خرابی کی وجہ سے کئی پروازیں تاخیر کا شکار ہوئی ہیں، کراچی سے اسلام آباد جانے والی قومی ایئر لائن پی آئی اے کی پرواز ساڑھے آٹھ گھنٹے کی تاخیر کے بعد روانہ ہو گئی، پرواز نے صبح سات بجے روانہ ہونا تھا اب شام چار بجے روانہ ہو گی،استنبول اور بحرین سے آنے والی پروازوں کی کراچی سے روانگی میں بھی تاخیر ہے، ملتان سے مسقط کی پرواز رات سوا 8 بجے روانہ ہوگی،اہور سے کراچی کی پرواز کی روانگی میں 8 گھنٹے، اسلام آباد سے کراچی کی پرواز کی روانگی میں4 گھنٹے اور اسلام آباد سے کراچی کی پی آئی اے کی پرواز کی روانگی میں 2 گھنٹے تاخیر ہے

کراچی ایئر پورٹ پر موجود طیاروں کو محفوظ مقامات پر پارک کرنے کی ہدایت
دوسری جانب ایئر پورٹ انتظامیہ نے طوفانی بارشوں سے متعلق ایک اور الرٹ جاری کیا گیا ہے جس میں کہا گیا ہے کہ کراچی ایئر پورٹ پر موجود طیاروں کو محفوظ مقامات پر پارک کیا جائے ،تمام ایوی ایشن کمپنیاں اپنے تمام اثاثہ جات کی حفاظت کریں،ایئر پورٹ پر پارک طیاروں کو محفوظ رکھنے کے لیے ایئرسائیڈ ایریا مینجر ذمے دار ہوں گے،بارشوں کے دوران ایمرجنسی میں ڈیوٹی ٹرمینل مینجر اور ایئر سائیڈ ایریا مینجر کو فوری آگاہی دی جاسکتی ہے۔

سمندری طوفان بارے چھٹا الرٹ،طوفان کے دوران سمندر میں شدید طغیانی کا امکان
دوسری جانب محکمۂ موسمیات نے سمندری طوفان سے متعلق چھٹا الرٹ جاری کر دیا ہے، محکمۂ موسمیات کے مطابق طوفان کراچی سمیت سندھ کی ساحلی پٹی سے دور جا رہا ہے، بلوچستان کی ساحلی پٹی کی جانب بڑھتے ہوئے طوفان کا رخ عمان کی جانب ہو گا، طوفان سمندر میں ہی کمزور ہو کر ختم ہونے کا امکان ہے، کسی ساحل سے ٹکرانے کا امکان نہیں،طوفان کے دوران سمندر میں شدید طغیانی رہ سکتی ہے، سمندر میں ہوائیں 60 سے 70 کلومیٹر فی گھنٹہ اور جھکڑ 80 کلو میٹر فی گھنٹہ کو چھو سکتے ہیں، 9 گھنٹوں کے دوران سمندری طوفان مغرب کی جانب بڑھ رہا ہے، یہ طوفان کراچی کے جنوب مغرب سے 200 کلو میٹر دور ہے، اورماڑہ کے جنوب، جنوب مشرق سے طوفان 220 اور گوادر کے مشرق اور جنوب مشرق سے طوفان 380 کلو میٹر دور ہے، کراچی میں آج وقفے وقفے سے گرج چمک اور تیز ہواؤں کے ساتھ تیز بارش کا امکان ہے، اس دوران کراچی میں 60 سے 70 کلو میٹر فی گھنٹہ رفتار سے ہوائیں چل سکتی ہیں

عمران خان کے سیل کا دورہ کیا جائے تو وہاں سے کوکین ملے گی،حنیف عباسی

190 ملین پاؤنڈ کیس،عمران کے گلے کا پھندہ،واضح ثبوت،بچنا ناممکن

اڈیالہ جیل میں الیکشن کرائے جائیں، وہاں بھی عمران کو شکست ہو گی،بیرسٹر عقیل ملک

عمران خان آکسفورڈ یونیورسٹی کے چانسلر کے لیے نامناسب ترین امیدوار قرار

آکسفورڈ یونیورسٹی کے وی سی کا الیکشن ،پی ٹی آئی کا ایک اور جھوٹ بے نقاب

عمران خان جیل سے آکسفورڈ یونیورسٹی کے چانسلر کے لیے الیکشن لڑیں گے

عمران خان کو آکسفورڈ کا نہیں اڈیالہ جیل کے قیدیوں کا الیکشن لڑنا چاہیے،عظمیٰ بخاری