پولیس اور قانون نافذ کرنے والے ادارے نے کراچی میں دہشتگردی کی کوشش ناکام بنا دی

کراچی علاقے اورنگی ٹاؤن میں پولیس اور قانون نافذ کرنے والے ادارے نے بس اڈے پر چھاپہ مار کر دو اسمگلروں کو بھاری گرفتار کر کے مقدار میں اسلحہ برآمد کرلیا-

باغی ٹی وی : تفصیلات کے مطابق اسلحے کی اسمگلنگ کرنے والے ملزمان بس کے ذریعے پشاور سے کراچی مٹھائی کے ڈبوں میں چھپا اسلحہ لائے جسے شہر میں دہشت گردی میں استعمال ہونا تھا-

حساس ادارے اور پولیس نے خفیہ اطلاع پر اورنگی ٹاؤن بس اڈے پر ناکہ لگادیا ملزمان جیسے ہی بس سے اتر کر رکشے میں بیٹھنے لگے انھیں گرفتار کرکے اسلحے کی کھیپ پکڑ کر رکشہ ڈرائیور سمیت 2 ملزمان کو گرفتار کرلیا-

مٹھائی کے ڈبوں سے 30 نائن ایم ایم پستول، گولیاں اور بڑے ہتھیار برآمد ہوئے ہیں ملزمان نےبڑے ہتھیاروں کے پرزے الگ کئے ہوئے تھے۔

ملزمان نے ہتھیار دہشت گردی کے لیے استعمال کرنے تھے کچھ ہتھیار کراچی میں فروخت بھی کرنے تھے، گرفتار دہشت گردوں نے اپنے دیگر ساتھیوں کے بارے میں بھی انکشاف کیا ہے جن کی گرفتاری کے لیے شہر کے مختلف علاقوں میں چھاپے مارے جارہے ہیں۔