میں بھی بہترین کرکٹ کھیل سکتی ہوں،کرینہ کپور کا جسپریت بمراہ کو چیلنج

بالی ووڈ اداکارہ کرینہ کپور نے کہا ہے کہ وہ کرکٹ کھیلنے میں جسپریت بمراہ کا بھی مقابلہ کر سکتی ہیں-

45 سالہ اداکارہ کرینہ کپور نے حال ہی میں سوشل میڈیا پر ایک دلچسپ پوسٹ شیئر کی جو وائرل ہوگئی جس میں انہوں نے بھارتی فاسٹ بولر جسپریت بمراہ کو ہلکے پھلکے انداز میں چیلنج کیا اداکارہ کرینہ نے انسٹاگرام پر اپنی تصاویر کا ایک کولاج شیئر کیا جس میں وہ اپنے بیٹے تیمور علی خان کو بولنگ کرواتی ہوئی دکھائی دے رہی ہیں –

تصاویر کے ساتھ کرینہ کپور نے مزاحیہ انداز میں لکھا کہ میرے ٹیلنٹ کو کم نہ سمجھیں، میں بمراہ سے بھی مقابلہ کرسکتی ہوں،ساتھ ہی انہوں نے مختلف ایموجیز کا بھی استعمال کیا، جبکہ تصاویر میں اداکارہ گلابی شرٹ، نیلی جینز اور سفید اسنیکرز میں ملبوس نظر آئیں – یہ پوسٹ تیزی سے وائرل ہوئی اور مداحوں کی جانب سے اس کرکٹنگ ایکشن کو بے حد پسند کیا جا رہا ہے-

اس سے قبل ایک انٹرویو میں کرینہ کپور نے بتایا تھا کہ میرے بیٹے تیمور کو فلموں کے ساتھ ساتھ کرکٹ اور فٹ بال کا بھی بے حد شوق ہے ، وہ کھیلوں میں خصوصی دلچسپی رکھتے ہیں،جبکہ جسپریت بمراہ دنیا کے بہترین فاسٹ بولرز میں شمار کیے جاتے ہیں اور دباؤ کے لمحات میں بھی اپنی خطرناک یارکرز کے لیے مشہور ہیں۔