تبسم عباس نامی خاتون کا راجن پور میں تعینات انسپکٹر ابرار احمد پر زیادتی کے الزام کا معاملہ ،آر پی او ڈی جی خان محمد اظہر اکرم کے خصوصی حکم پر خاتون کی مدعیت میں مقدمہ درج کر لیا گیا
آر پی او نے مقدمہ کی تفتیش میرٹ، شفافیت اور غیر جانبداری کی بنیاد پر مکمل کرنے کا حکم دے دیا، تفتیشی عمل کو شفاف اور غیر جانبدار بنانے کے لیے انسپکٹر ابرار احمد کو کلوز ٹو لائن کرنے کے احکامات بھی جاری کر دیئے گئے،آر پی او کے حکم پر مقدمہ کی تفتیش مکمل ہونے تک انسپکٹر ابرار احمد کلوز ٹو لائن رہیں گے ،آرپی او ڈی جی خان کا کہنا ہے کہ کوئی بھی شخص قانون سے بالاتر نہیں ہے،مقدمہ کی تفتیش میں انصاف کے تمام تقاضے پورے کیے جائیں گے، آر پی او محمد اظہر اکرم کا کہنا تھا کہ انصاف کی فراہمی میں کسی بھی فریق کے خلاف زیادتی نہیں ہونے دی جائے گی،محکمۂ پولیس اپنے اہلکاروں کے غیر قانونی و غیر اخلاقی طرزِ عمل پر سخت محکمانہ کارروائی کی پالیسی پر عمل پیرا ہے،ترجمان پولیس کے مطابق خاتون نے آر پی او ڈیرہ غازی خان محمد اظہر اکرم کی کھلی کچہری میں پیش ہو کر زیادتی کا الزام عائد کیا تھا،آر پی او محمد اظہر اکرم کے فوری نوٹس لینے پر حسب ضابطہ قانونی کارروائی عمل میں لائی گئی،