خیبر اور جنوبی وزیرستان کے اضلاع میں سیکورٹی فورسز کی کامیاب کاروائیاں

آئی ایس پی آر کے مطابق خیبر اور جنوبی وزیرستان کے اضلاع میں سیکورٹی فورسز کی کامیاب کارروائیوں کے نتیجے میں تین دہشت گردوں کو ہلاک کر دیا گیا ہے۔
آئی ایس پی آر کے مطابق یہ کاروائی 27 جولائی کو خیبر ضلع کے جنرل علاقے باغ میں پاک فوج اور دہشت گردوں کے درمیان فائرنگ کا تبادلہ ہوا۔ جس میں پاک فوج نے موثر طریقے سے دہشت گردوں کے ٹھکانے کا پتہ لگایا۔ آپریشن کے نتیجے میں 1 دہشت گرد مارا گیا۔ ہلاک دہشت گرد سے اسلحہ اور گولہ بارود بھی برآمد ہوا ہے۔
آئی ایس پی آر کے مطابق دوسری کاروائی 28 جولائی کو جنوبی وزیرستان کے علاقے گومل زام میں کی گئی جس میں پاک فوج کے جوانوں اور دہشت گردوں کے درمیان ایک اور مقابلے میں دو دہشت گرد مارے گئے۔مارے گئے دہشت گرد سیکورٹی فورسز کے خلاف دہشت گردانہ کارروائیوں کے ساتھ ساتھ معصوم شہریوں کے قتل میں ملوث تھے،۔ آئی ایس پی آر کے مطابق مزید آپریشن جاری ہے تاکہ علاقے میں پائے جانے والے دیگر دہشت گردوں کو ختم کیا جا سکے۔
پاک فوج کی جانب سے کی گئی کاروائیوں کو علاقہ مکینو نے خوب سراہا اور دہشت گردی کی لعنت کے خاتمے کے لیے بھرپور تعاون کا اظہار کیا۔