لاہور میں ہنی ٹریپ کا اسکینڈل بے نقاب ہوگیا ، لڑکی بن کر شہریوں کو چنگل میں پھنسانے والے ملزمان گرفتار کر لئے گئے-
ایس پی ماڈل ٹاؤن کے مطابق چند روز قبل لیاقت آباد کے علاقے میں عمیر نامی شخص کو ملزمان نے ٹریپ کرکے لوٹا تھا ملزمان لڑکی بن کر معصوم شہریوں کو اپنے چنگل میں پھنساتے تھے، لیاقت آباد پولیس نے سی سی ٹی وی فوٹیج کی مدد سے 2 ملزمان کو گرفتار کر لیا۔
ایس پی ماڈل ٹاؤن شہربانو نقوی نے کہا کہ ملزمان ملنے کے بہانے شہریوں کو بلا کر حبس بے جا میں رکھتے اور موٹی رقم کا مطالبہ کرتے تھے۔ اے ٹی ایم فوٹیج میں ایک ملزم کو متاثرہ شخص کے ساتھ رقم نکالتے دیکھا جا سکتا ہے، ملزمان اویس اور علی رضا سے لوٹی گئی رقم، گھڑی اور دیگر سامان برآمد کر لیا گیا ہے ، گروپ میں کتنے لوگ شامل ہیں اور کتنے شہریوں کو لوٹا جا چکا ہے اس حوالے سے مزید تفتیش جاری ہے، عوام الناس کے جان و مال کی حفاظت اولین تر جیح ہے۔