قصور میں بدنام زمانہ منشیات فروش 4 کلوگرام کے قریب چرس سمیت گرفتار
قصور کے تھانہ صدر پتوکی پولیس نے ایس ایچ او عامر اسلم کی سربراہی میں کارروائی کرتے ہوئے بدنام زمانہ منشیات فروش کو گرفتار کر لیا۔
پولیس کے مطابق نظام پورہ کا رہائشی ملزم ارشد عرف ارشدی مبینہ طور پر پتوکی اور ملحقہ علاقوں میں منشیات سپلائی کرنے میں ملوث تھا۔ پولیس نے خصوصی ناکہ بندی کے دوران منشیات کی سپلائی کرتے ہوئے ملزم کو گرفتار کیا۔
پولیس کا کہنا ہے کہ ملزم کے قبضے سے 4 کلوگرام کے قریب چرس برآمد ہوئی، جس پر اس کے خلاف مقدمہ درج کر کے مزید قانونی کارروائی شروع کر دی گئی ہے۔
پولیس کے مطابق گرفتار ملزم عرصہ دراز سے منشیات کی سپلائی کے ذریعے نوجوان نسل کو تباہی کی طرف دھکیلنے میں ملوث تھا۔ بدنام زمانہ منشیات فروش کی گرفتاری پر علاقہ مکینوں نے سکھ کا سانس لیتے ہوئے پولیس کو خراجِ تحسین پیش کیا۔
ڈی پی او قصور آفتاب احمد پھلروان کی زیرِ قیادت ضلع کو منشیات سے پاک کرنے کے لیے پولیس کی کارروائیاں جاری ہیں، جبکہ منشیات فروشوں کے خلاف بلاامتیاز کارروائی کا سلسلہ مزید تیز کرنے کا عزم ظاہر کیا گیا ہے