پاکستان سپر لیگ (پی ایس ایل) کی ٹیم ملتان کی نیلامی کے دوران بولی 200 کروڑ روپے کی حد سے تجاوز ،ولی ٹیک نے 2 ارب 45 کروڑ روپے میں خریدلیا۔
ملتان کی ٹیم کی نیلامی تقریب میں بیس پرائس 182 کروڑ روپے مقرر کی گئی تھی، جبکہ اس آکشن میں پانچ بڈرز شریک تھےتقریب میں پاکستان کرکٹ بورڈ کے چیئرمین محسن نقوی اور سابق چیئرمین نجم سیٹھی بھی موجود تھے پاکستان کے معروف لیجنڈ بلے باز ظہیر عباس نے بھی آکشن میں شرکت کی اس کے علاوہ لاہور قلندرز کے مالکان ثمین رانا اور عاطف رانا بھی ایکسپو سنٹر لاہور پہنچے-
پی سی بی کے مطابق مقررہ وقت کے اندر کُل 6 پروپوزلز موصول ہوئے، جن کی تفصیلی اور شفاف جانچ کے بعد 5 بڈرز کو تکنیکی طور پر اہل قرار دیا گیا جنہوں نے نیلامی میں حصہ لیا،نیلامی کے اختتام پر ملتان کی ٹیم کا حصول سی ڈی وینچرز کے نام ہوا، جس کے بعد پی ایس ایل میں ٹیم کی فروخت کا عمل کامیابی سے مکمل ہوا۔
واضح رہے کہ ملتان سلطانز کے سابق مالک علی ترین نے 10 سالہ ملکیت کے معاہدے کی تجدید سے انکار کیا تھا جس کے بعد پی سی بی نے فرنچائز کی نیلامی کا اعلان کیا تھا۔