ممبئی اور لکھنو میں واقع ایئرپورٹس پر حج کی سعادت حاصل کر کے واپس آنے والے متعدد مسافروں نے اپنے سامان سے قیمتی اشیاء غائب ہونے کا انکشاف کیا ہے-
بھارت میں حج کی سعادت حاصل کر کے واپس آنے والے عازمینِ حج کو ممبئی ایئرپورٹ پر شدید پریشانی کا سامنا کرنا پڑا کیونکہ ان کا سامان تاحال انہیں فراہم نہیں کیا جا سکا عازمینِ حج نے روانگی سے تقریباً 48 گھنٹے قبل اپنا سامان مکہ مکرمہ میں متعلقہ حکام کے حوالے کیا تھا، تاہم ممبئی ایئرپورٹ پر پہنچنے کے باوجود سامان حجاج کرام کے سپرد نہیں کیا گیا اس صورتحال کے باعث عازمین کو شدید مشکلات کا سامنا ہے اور وہ ایئرپورٹ پر اپنے سامان کے انتظار میں موجود ہیں۔
متاثرہ حجاج نےایئرپورٹ انتظامیہ کے خلاف احتجاج کرتےہوئےفوری طور پر سامان کی واپسی کا مطالبہ کیا ہے واقعے کی ویڈیوز سوشل میڈیا پر وائرل ہونے کے بعد معاملہ مزید توجہ کا مرکز بن گیا ہے جبکہ صارفین کی جانب سے بھارتی ایئرلائنز پر سخت تنقید بھی کی جا رہی ہے۔
جبکہ گزشتہ روز بھارتی ریاست اتر پردیش کے دارالحکومت لکھنؤ میں واقع ایئرپورٹ پر حج کی سعادت حاصل کر کے واپس آنے والے متعدد مسافروں نے اپنے سامان سے قیمتی اشیاء غائب ہونے کا انشاف کیا تھا ،ایک خاتون نے الزام عائد کیا کہ ان کے سامان سے 5 چاندی کی انگوٹھیاں، 6 پرفیوم، دو سو نے کی بالیاں، 5 برقعے اور بچوں کے کھلونے غائب ہیں اور تالا کھول کر سب نکالا گیا ہے،ایک اور مسافر نے الزام لگایا کہ ان کے سامان کا لاک ٹوٹا ہوا تھا جبکہ بیگ سے پرفیوم، جائے نماز، حجاب اور دیگر ضروری اشیاء غائب تھیں۔