جونیئر ایشیا کپ 2026 کے اہم میچ میں پاکستان جونیئر ہاکی ٹیم نے ملائیشیا کو 2-4 سے ہرا کر برونز (کانسی) کا تمغہ اپنے نام کر لیا۔
چین کے موچی ٹریننگ بیس میں کھیلے گئے اس سنسنی خیز میچ میں گرین شرٹس نے ابتدائی طور پر 2 گول سے پیچھے ہونے کے باوجود دباؤ میں آئے بغیر مسلسل 4 گول داغ کر میچ کا پانسا پلٹ دیا۔ پاکستان کی جانب سے رانا عبدالسامی نے شاندار کھیل پیش کرتے ہوئے 2 اہم گول اسکور کیے۔
میچ کے 11ویں منٹ میں آدم اشرف جوہری نے فیلڈ گول کر کے ملائیشیا کو برتری دلائی جبکہ 2 منٹ بعد ہی 13ویں منٹ میں شفیق عمار فہمی نے پینلٹی کارنر کو گول میں بدل کر برتری 0-2 کر دی، ہاف ٹائم کے بعد گرین شرٹس نے جارحانہ انداز اپنایا رانا عبدالسامی نے 34ویں اور 47ویں منٹ میں 2 خوبصو رت فیلڈ گول کر کے مقابلہ 2-2 سے برابر کر دیا۔