پنجاب پولیس کے ریٹائر ہونے والے افسران کی فہرست جاری

پنجاب بھر کے 90 ڈی ایس پیز 2026 میں ریٹائر ہو جائیں گے

پنجاب پولیس میں اعلیٰ سطحی انتظامی تبدیلیوں کا امکان ہے کیونکہ فیصل آباد سمیت صوبہ بھر کے مجموعی طور پر 90 ڈپٹی سپرنٹنڈنٹس آف پولیس ڈی ایس پی سال 2026 کے دوران اپنی ملازمت کی مدت مکمل کرنے کے بعد ریٹائر ہو جائیں گے-

محکمہ پولیس ذرائع کے مطابق ریٹائر ہونے والے افسران کی فہرست جاری کر دی گئی ہے جس میں مختلف اضلاع اور برانچز میں تعینات سینئر ڈی ایس پیز شامل ہیں فیصل آباد میں خدمات انجام دینے والے متعدد افسران بھی اس فہرست کا حصہ ہیں جن کی ریٹائرمنٹ سے انتظامی ڈھانچے میں رد و بدل متوقع ہے-

سہیل آفریدی کا دورۂ پنجاب ، ناروا سلوک کے شکووں پر خواجہ آصف کا ردعمل

ریٹائر ہونے والوں میں ڈی ایس پی عامر وحید، ڈی ایس پی رانا نصراللہ، ڈی ایس پی اشتیاق رسول، ڈی ایس پی لال محمد خان کھوکھر ڈی ایس پی طاہر صدیق سمیت دیگر سینئر افسران شامل ہیں، جو مختلف حساس اور اہم عہدوں پر خدمات سرانجام دے چکے ہیں-

ذرائع کا کہنا ہے کہ ان افسران کی ریٹائرمنٹ کے بعد پنجاب پولیس میں پروموشنز اور نئی تعیناتیوں کا سلسلہ شروع ہونے کا امکان ہے، جس کے تحت کئی اضلاع میں نئی قیادت سامنے آئے گی پولیس حکام کے مطابق اس عمل کو ادارہ جاتی پالیسی کے تحت مکمل کیا جائے گا تاکہ امن و امان کی صورتحال اور انتظامی امور پر کوئی منفی اثر نہ پڑے –

اپوزیشن لیڈر کی تقرری :اسپیکر قومی اسمبلی نے چیف وہپ کو چوتھا خط ارسال کردیا

یاد رہے کہ ریٹائر ہونے والے بیشتر افسران نے طویل عرصے تک فیلڈ، انویسٹی گیشن سکیورٹی، اسپیشل برانچ اور دیگر اہم ونگز میں خدمات انجام دیں اور متعدد اہم آپریشنز میں کردار ادا کئے ہیں-