سال 2025 کے دوران پنجاب پولیس خدمت مراکز کی کارکردگی رپورٹ جاری کر دی گئی۔
ترجمان پنجاب پولیس کے مطابق صوبہ بھر میں قائم خدمت مراکز سے 38 لاکھ 44 ہزار سے زائد شہریوں نے جدید اور ڈیجیٹل پولیس سروسز سے استفادہ حاصل کیا،سال 2025 میں 16 لاکھ 68 ہزار سے زائد شہریوں نے جنرل پولیس ویریفیکیشن کروائی جبکہ 9 لاکھ 11 ہزار 280 شہریوں کو پولیس کریکٹر سرٹیفیکیٹس جاری کیے گئے اسی طرح 4 لاکھ 72 ہزار سے زائد شہریوں نے کرایہ داری اندراج کی سہولت حاصل کی۔
ترجمان پنجاب پولیس کے مطابق پنجاب پولیس خدمت مراکز سے 1 لاکھ 67 ہزار 194 شہریوں کو میڈیکولیگل سرٹیفیکیٹس جاری کیے گئے جبکہ کمزور طبقات کے تحفظ کیلئے جاری اقدامات کے تحت 1 لاکھ 39 ہزار سے زائد افراد کو قانونی و سماجی معاونت فراہم کی گئی، 46 ہزار 646 شہریوں نے وہیکلز ویریفیکیشن کروائی جبکہ ایک لاکھ سے زائد شہریوں نے دستاویزات کی گمشدگی کا اندراج اور 4 ہزار 764 جرائم رپورٹس کی رجسٹریشن کروائی –
اسحاق ڈار کا صومالیہ کے وزیر خارجہ سے ٹیلیفونک رابطہ
مزید برآں 2 لاکھ 14 ہزار 688 شہریوں نے ایف آئی آر کی نقول حاصل کیں جبکہ 85 ویمن وائلنس رپورٹس درج کی گئیں،1 لاکھ 17 ہزار سے زائد شہریوں نے ایمپلائز رجسٹریشن (ROPE) کروائی جبکہ 3 ہزار 572 شہریوں نے نجی ملازمت کیلئے پولیس ویریفیکیشن کی سہولت حاصل کی۔
آئی جی پنجاب ڈاکٹر عثمان انور نے کہا کہ پولیس خدمت مراکز پبلک سروس ڈلیوری کا شاندار فلیگ شپ پراجیکٹ ہیں جہاں شہریوں کو 24/7 جدید، شفاف اور تیز رفتار سہولیات فراہم کی جا رہی ہیں،لاہور سمیت صوبہ بھر میں لاکھوں شہری ماہانہ بنیادوں پر ان مراکز سے مستفید ہو رہے ہیں جبکہ شہریوں کے فیڈ بیک کی روشنی میں سروسز کو مسلسل اپ گریڈ کیا جا رہا ہے تاکہ عوام کو مزید بہتر اور مؤثر سہولیات فراہم کی جا سکیں۔