اوکاڑہ (نامہ نگار ملک ظفر)یوم استحصال کشمیر کے موقع پر ڈی سی آفس میں پروقار تقریب اور ریلی کا انعقاد، اس موقع پر ڈپٹی کمشنر محمد کرام ملک نے پاکستان اور آزاد کشمیر کے پرچم لہرائے اور ایک منٹ کی خاموشی اختیار کی گئی۔ اس کے بعد ریلی نکالی گئی جس کی قیادت ڈپٹی کمشنر محمد اکرام ملک نے کی۔ ریلی میں لیگی رہنما چوہدری فیاض ظفر، صدر بار فاروق اشرف، ضلعی انتظامیہ، دیگر محکموں کے افسران، تاجران، صحافیوں، سول سوسائٹی اور شہریوں نے کثیر تعداد میں شرکت کی۔ ریلی کے شرکا نے کشمیریوں کے حق میں پلے کارڈز اور بینرز اٹھا رکھے تھے۔ ڈپٹی کمشنر محمد اکرام ملک نے کہا کہ یوم استحصال کشمیر نہتے کشمیریوں پر بھارتی مظالم کا سیاہ دن ہے۔ گزشتہ سات سالوں سے بھارت نے کشمیریوں کے انسانی بنیادی حقوق سلب کر رکھے ہیں۔ انہوں نے کہا کہ 5 اگست کا ظالمانہ اقدام بھارتی اقدام کشمیریوں کی شناخت پر حملہ ہے۔ مشکل کی اس گھڑی میں پوری پاکستانی قوم کشمیری بھائیوں کے ساتھ کھڑی ہے۔ کشمیریوں کے غصب شدہ حقوق کی بحالی تک احتجاج جاری رہے گا۔ ڈپٹی کمشنر نے کہا کہ جلوسوں اور ریلیوں کے زریعے کشمیر سے بھارتی مظالم کے خاتمے کے لیے آواز بلند کی جا رہی ہے۔ عالمی برادری مقبوضہ کشمیر میں جاری بھارتی مظالم کا نوٹس لے۔ بھارتی مظالم کے ذریعے نہتے کشمیریوں کی آواز کو نہیں دبایا جا سکتا۔ نہتے کشمیریوں کی جدوجہد آزادی کامیاب ہوگی اور شہیدوں کا لہو رنگ لائے گا۔ جلد کشمیر میں آزادی کا نیا سورج طلوع ہوگا۔
اوکاڑہ (نامہ نگار ملک ظفر)یوم استحصال کشمیر کے سلسلہ میں محکمہ ایجوکیشن، انڈسٹریز اور سرکاری کالجز میں تقاریب اور ریلیوں کا انعقاد، تقاریب میں بھارتی غیرقانونی اور غاصبانہ اقدامات کی پرزور مذمت کی گئی اور کشمیری بہن بھائیوں کے ساتھ مکمل یکجہتی کا اظہار کیا گیا۔ اس سلسلہ میں محکمہ ایجوکیشن، محکمہ انڈسٹریز اور ضلع کے تمام سرکاری کالجز میں خصوصی تقاریب، سیمینارز اور یکجہتی ریلیوں کا انعقاد کیا گیا۔ سی ای او ڈسٹرکٹ ایجوکیشن اتھارٹی کی زیر قیادت آفس سے کشادہ یکجہتی ریلی نکالی گئی جس میں ایجوکیشن افسران اور اساتذہ نے شرکت کی۔ سی سی او ایجوکیشن نے کہا کہ 5 اگست تاریخ کا سیاہ ترین دن ہے جب بھارت نے غاصبانہ تسلط کے ذریعے مقبوضہ کشمیر کی خاص حیثیت کو ختم کیا۔ پاکستان کا بچہ بچہ اپنے کشمیری بہن بھائیوں کے ساتھ کھڑا ہے اور ان کی اخلاقی، سیاسی و سفارتی حمایت جاری رکھے گا۔ ڈسٹرکٹ آفیسر انڈسٹریز خالد جاوید بھٹی کے زیر آفس انکے آفس میں خصوصی تقریب اور ریلی کا انعقاد کیا گیا۔ ڈسٹرکٹ آفیسر نے کہا کہ کشمیر کی آزادی کے بغیر خطے میں پائیدار امن اور معاشی استحکام ممکن نہیں۔ بھارتی مظالم مقبوضہ وادی کے عوام کے جذبہ حریت کو سلب نہیں کر سکتے۔ ڈپٹی ڈائریکٹر کالجز رائے محمد ناصر کی زیر نگرانی بوائز و گرلز کالجز میں استحصال کشمیر کی مناسبت سے تقاریب میں طلبہ نے مقبوضہ کشمیر میں جاری بھارتی انسانی حقوق کی خلاف ورزیوں کو اجاگر کیا اور ملی نغمے پیش کیے۔ انہوں نے خطاب کرتے ہوئے کہا کہ مقبوضہ جموں و کشمیر کے غاصبانہ قبضے کو طویل عرصہ ہو چکا ہے، لیکن اقوامِ متحدہ کی قراردادوں پر عملدرآمد نہ ہونا عالمی ضمیر پر سوالیہ نشان ہے۔ مقبوضہ کشمیر کے عوام کی قربانیاں ضائع نہیں جائیں گی اور وہ دن دور نہیں جب کشمیر آزاد ہوگا۔