ریاض ایئر نے اسلام آباد کے بعد لاہور کیلیے فضائی آپریشنز کا آغاز کر دیا ہے۔
سعودی عرب کی ریاض ایئر کی پہلی پرواز آر ایکس 676 لاہور کے علامہ اقبال انٹرنیشنل ایئرپورٹ پہنچ گئی جہاں لینڈ کرتے ہی پاکستان ائیرپورٹ اتھارٹی کی جانب سے پرتپاک استقبال کیا گیا،اور پی اے اے فائر اینڈ ریسکیو سروسز کی جانب سے ریاض ایئر کی افتتاحی پرواز کو واٹر سیلوٹ پیش کیا گیا۔
سعودی سفیر نواف بن سعید المالکی نے لاہور ایئرپورٹ پر ریاض ایئر کی افتتاحی تقریب میں شرکت کی جبکہ اس موقع پر ربن اور کیک کاٹنے کی تقریب منعقد ہوئی۔
پاکستان ایئرپورٹ اتھارٹی کی جانب سے جاری اعلامیے میں کہا گیا ہے کہ ریاض ایئر کی آمد پاکستان سعودی فضائی رابطوں کے فروغ میں اہم سنگ میل ہےلاہور اور ریاض کے درمیان فضائی رابطے سے مسافروں کو مزید سہولت ملے گی۔