سعودی عرب نے بلوچستان کے مختلف علاقوں میں بھارتی حمایت یافتہ دہشتگردوں کے حملوں کی شدید الفاظ میں مذمت کی ہے۔
سعودی وزارتِ خارجہ کی جانب سے جاری بیان میں کہا گیا ہے کہ مملکت ہر قسم کی دہشتگردی اور انتہاپسندی کو یکسر مسترد کرتی ہے اور اس حوالے سے اپنے اصولی اور دوٹوک مؤقف کی ایک بار پھر تجدید کرتی ہے مملکتِ سعودی عرب پاکستان کی سلامتی، استحکام اور امن کے خلاف ہونے والی تمام کارروائیوں کی مخالفت کرتی ہے اور دہشتگردی کے خلاف عالمی کوششوں کی حمایت جاری رکھے گی۔
واضح رہے کہ گزشتہ 2 روز کے دوران بلوچستان کے مختلف علاقوں میں دہشتگردوں کے خلاف آپریشن کے دوران سیکیورٹی فورسز نے 108 دہشتگردوں کو ہلاک کیا ہے، اس دوران دہشتگردوں کے خلاف لڑتے ہوئے 10 بہادر پولیس اور سیکیورٹی فورسز کے جوان شہید ہوئے ہیں۔