شاہدرہ کے علاقہ میں سکول ٹیچر بیوی کو قتل کرنیوالا سفاک شوہر گرفتار کر لیا گیا
ڈی آئی جی انویسٹی گیشن سید ذیشان رضا نے قتل کی اس سنگین واردات کا نوٹس لیا تھا،ایس پی سٹی فرحت عباس کی سربراہی میں پولیس ٹیم کو ملزم کی گرفتاری کا ٹاسک دیا گیا،انچارج انویسٹی گیشن تھانہ شاہدرہ انسپکٹر اختر علی نے اپنی ٹیم کے ہمراہ کارروائی کر کے ملزم کو گرفتار کر لیا،ایس پی انویسٹی گیشن سٹی فرحت عباس کا کہنا تھا کہ ملزم نے گھریلو ناچاکی پر فائرنگ کر کے اپنی بیوی کو بےدردی سےقتل کر دیا تھا،ملزم قتل کرنے کے بعد موقع سے فرار ہو گیا تھا، ملزم کو پیشہ وارانہ مہارت اور ہیومن انٹیلیجنس کی مدد سے گرفتار کیا گیا، ملزم اب پولیس کی گرفت میں ہیں مضبوط چالان مرتب کروا کر قرار واقعی سزا دلوائی جائے گی،خواتین کو قتل کرنے والے عناصر کو کیفر کردار تک پہنچایا جائے گا،قانون شکن عناصر کے خلاف بلاامتیاز کارروائیاں جاری ہیں، آہنی ہاتھوں سے نمٹا جائے گا،
دوسری جانب بچی پر تشدد کرنے والا بس کنڈکٹر گرفتارکر لیا گیا،چوہنگ پولیس نے کارروائی کی،ایس پی صدر رانا حسین طاہر نے سوشل میڈیا پر وائرل ویڈیو کا نوٹس لیتے ہوئے فوری ملزم کی گرفتاری کا حکم دیا، سپیڈو بس کے کنڈیکٹر سجاد علی کو گرفتار کیا گیا،دورانِ سفر لڑکی کو تشدد کا نشانہ بنایا گیا تھا،ملزم کے خلاف مقدمہ درج کرکے انوسٹی گیشن ونگ کے حوالے کر دیا گیا