عوامی مسلم لیگ کے سربراہ شیخ رشید کو سینے میں تکلیف کے باعث اسپتال منتقل کردیا گیا ہے جبکہ ذرائع کے مطابق انسٹیٹیوٹ آف کارڈیالوجی اسپتال میں شیخ رشید کا ایمرجنسی میں طبی معائنہ کیا گیا اور ڈاکٹرز نےشیخ رشید احمد کو مختلف ٹیسٹ کروانے کی تجویز دی ہے تاہم اسپتال ذرائع کا کہنا ہے کہ شیخ رشید کی ای سی جی کی گئی ہے، انہیں کچھ دیر کے لئے زیر نگرانی رکھا جائے گا۔
تاہم قریبی رفقا کا کہنا ہے ابھی ان کی حالت خطرے سے باہر ہے اور وہ جلد اسپتال سے اپنے گھر منتقل ہوجائیں گے جبکہ انہوں نے مزید کہا آپ سب سے اپیل ہے کہ ان کی صحت یابی کیلئے دعا گو رہیں تاکہ انہیں صحت یابی نصیب ہو.
مزید یہ بھی پڑھیں؛
عوام پی ڈی ایم اور پی ٹی آئی دونوں سے بیزار ہوگئے . صدر استحکام پاکستان پارٹی
الیکشن کمیشن نے عالمی مبصرین کی سہولیات سے متعلق ایکشن کمیٹی قائم کردی
الیکشن کی تاریخ کا اعلان بہت جلد ہوجائے گا. نگراں وزیراعظم انوار الحق کاکڑ
جعلی پاسپورٹس تحقیقات؛ حکام کی ملی بھگت کا انکشاف
واضح رہے کہ 1950ء میں راولپنڈی میں ایک متوسط گھرانے میں شیخ رشید پیدا ہوئے۔ سیاست کے میدان میں طالب علمی کے زمانے ہی میں قدم رکھ دیا تھا۔ ساٹھ کی دہائی میں جب صدر ایوب کے خلاف عوامی تحریک شروع ہوئی تو اس میں بڑھ چڑھ کر حصہ لیا۔ پھر جب گورنمنٹ گورڈن کالج میں داخلہ لیا تو کالج کی طلبہ یونین کے صدر منتخب ہوئے۔ 1992ء میں ایم اے سیاسیات کرنے کے بعد تحریک استقلال میں شمولیت اختیار کی۔ لیکن جلد ہی ان سے علیحدہ ہو گئے۔ 1984ء میں بلدیاتی کونسل کے رکن منتخب ہوئے۔ 1985ء کے غیر جماعتی انتخابات میں قومی اسمبلی کے رکن منتخب ہوئے