اسلام آباد کی مقامی عدالت نے ریاستی اداروں پر الزامات لگانے کے مقدمے میں وزیرِ اعلیٰ خیبر پختون خوا سہیل آفریدی کے ناقابلِ ضمانت وارنٹِ گرفتاری برقرار رکھتے ہوئے انہیں گرفتار کر کے عدالت میں پیش کرنے کا حکم بھی برقرار رکھا ہے۔
تفصیلات کے مطابق اسلام آباد کی عدالت میں پیکا ایکٹ کے تحت درج مقدمے کی سماعت ہونا تھی، تاہم سول جج عباس شاہ کی عدم دستیابی کے باعث کارروائی نہ ہو سکی۔ عدالت نے ملزم کی مسلسل عدم حاضری کے پیشِ نظر پہلے سے جاری ناقابلِ ضمانت وارنٹِ گرفتاری برقرار رکھنے کا فیصلہ کرتے ہوئے متعلقہ حکام کو ہدایت کی کہ سہیل آفریدی کو گرفتار کر کے عدالت میں پیش کیا جائے۔عدالت نے کیس کی مزید سماعت 21 جولائی تک ملتوی کر دی ہے۔
یاد رہے کہ سہیل آفریدی کے خلاف نیشنل سائبر کرائم انویسٹی گیشن ایجنسی نے پیکا ایکٹ کے تحت مقدمہ درج کر رکھا ہے۔ مقدمے میں الزام عائد کیا گیا ہے کہ انہوں نے ریاستی اداروں کے خلاف الزامات پر مبنی بیانات دیے، جن پر قانونی کارروائی شروع کی گئی۔