اوکاڑہ (نامہ نگار ملک ظفر)ڈپٹی کمشنر احمد عثمان جاوید کا اراضی ریکارڈ سینٹر کا اچانک دورہ، انہوں نے عوامی سہولت کے پیش نظر پبلک سروس ڈلیوری کے عمل کا جائزہ لیا اور سائلین سے سہولیات بارے دریافت کیا اور درپیش مسائل کے حل کے لیے موقع پر ہدایات دیں۔ ڈپٹی کمشنر نے تمام کاؤنٹرز مکمل فعال رکھتے ہوئے سائلین کی درخواستوں پر فوری عمل درآمد کے احکامات دیے اور ڈپٹی کمشنر کی کیو مینجمنٹ سسٹم کی بہتری کے لیے بھی ہدایات دیں۔ انہوں نے کمپیوٹرائزڈ ریونیو ریکارڈ کی بھی چیکنگ کی۔ اس موقع پر ڈپٹی کمشنر احمد عثمان جاوید نے کہا کہ اراضی ریکارڈ سینٹر کے افسران اور انچارج عوامی ریلیف کے پیش نظر انتظامات کی نگرانی کریں۔ ڈپٹی کمشنر احمد عثمان جاوید نے کہا کہ فرائض میں غفلت اور رشوت ستانی پر سخت ایکشن ہوگا۔ سائلین سے تاخیری حربے ہرگز برداشت نہیں کیے جائیں گے۔ فلاح عامہ کے پیش نظر حکومت پنجاب کی ہدایات پر من و عن عمل درآمد کرایا جائے گا۔
اوکاڑہ (نامہ نگار ملک ظفر)ڈپٹی کمشنر احمد عثمان جاوید کا "اپنی چھت اپنا گھر” سکیم کے دفتر کا بھی تفصیلی دورہ، انہوں نے دفتر میں کمپیوٹرائزڈ ریکارڈ اور پبلک سروس ڈیلیوری کے عمل کا جائزہ لیا، وزیراعلیٰ پنجاب کے خصوصی پروگرام "اپنی چھت اپنا گھر” سکیم کے تحت ڈی سی آفس میں الاٹمنٹ لیٹرز کی بھی تقسیم کیے گئے۔ ڈپٹی کمشنر احمد عثمان جاوید نے کامیاب امیدواروں میں الاٹمنٹ لیٹرز تقسیم کیے۔ الاٹمنٹ لیٹرز کی تقسیم پر کامیاب افراد نے وزیراعلیٰ پنجاب مریم نواز شریف سے اظہار تشکر کیا۔ ڈپٹی کمشنر احمد عثمان جاوید نے کہا کہ وزیراعلیٰ پنجاب مریم نواز شریف حقیقی طور پر عوامی خدمت کی اعلیٰ مثال ہیں۔ سکیم کے تحت غریب اور بے گھر افراد کو چھت کی فراہمی سے ان کی محرومیاں دور ہونگی۔ انہوں نے کہا کہ میرٹ کی بنیاد پر اہل افراد میں الارٹمنٹ لیٹرز تقسیم کیے جا رہے ہیں۔ اپنی چھت اپنا گھر سکیم کے دفتر میں شفافیت کی بنیاد پر ریکارڈ مرتب کرنے کا سلسلہ جاری رکھا جائے۔ درخواست گزاروں کے لیے سروس کے عمل کو سہل اور آسان بنایا جائے۔