پاکستان کی سفارتی سرگرمیوں کو عالمی سطح پر پذیرائی،فیلڈ مارشل کا سفارتی روابط،علاقائی امور میں کردار نمایاں سامنے آیا ہے
سول و عسکری قیادت کی متحرک سفارتکاری کے باعث پاکستان عالمی منظرنامے میں ایک مؤثر اور معتبر کردار کے طور پر ابھر رہا ہے۔ ایران، امریکہ جنگ بندی اور خطے کے اہم معاملات میں پاکستان کے فعال کردار کو بین الاقوامی سطح پر سراہا جا رہا ہے۔امریکی جریدے فارن پالیسی کے مطابق، حالیہ برسوں میں پاکستان نے اپنی سفارتی حیثیت کو مزید مستحکم کیا ہے اور امریکہ سمیت اہم عالمی طاقتوں کے ساتھ تعلقات میں پیش رفت حاصل کی ہے۔ جریدے نے فیلڈ مارشل سید عاصم منیر کے سفارتی رابطوں اور علاقائی امور میں کردار کو بھی نمایاں قرار دیا ہے۔
ماہرین کا کہنا ہے کہ قومی قیادت کی مربوط حکمتِ عملی، واضح وژن اور مؤثر فیصلہ سازی کے باعث پاکستان کی سفارتی پوزیشن مضبوط ہوئی اورعالمی سطح پر ملک کا کردار مزید مستحکم اور مؤثر انداز میں سامنے آیا ہے۔