افغانستان نے آئی سی سی مینز ٹی ٹوئنٹی ورلڈکپ 2026 کیلئے 15 رکنی اسکواڈ کا اعلان کر دیا۔
فروری میں بھارت اور سری لنکا میں کھیلے جانے والے ٹی ٹوئنٹی ورلڈکپ میں لیگ اسپنر راشد خان افغانستان ٹیم کی قیادت کریں گے فضل حق فاروقی اور گلبدین نائب، جنہیں بنگلا دیش کے خلاف سیریز سے باہر رکھا گیا تھا، ورلڈ کپ سے قبل دوبارہ ٹیم میں شامل کر لیے گئے ہیں۔
افغانستان کے اسکواڈ میں راشد خان (کپتان)، ابراہیم زدران (نائب کپتان)، رحمان اللہ گرباز ، محمد اسحاق، صدیق اللہ اٹل، درویش رسولی، شاہد اللہ کمال عظمت اللہ عمرزئی، گلبدین نائب، محمد نبی، نور احمد، مجیب الرحمان، نوین الحق، فضل حق فاروقی اور عبداللہ احمدزئی شامل ہیں جبکہ اے ایم غضنفر، اعجاز احمدزئی اور ضیاء الرحمان شریفی کو ریزرو رکھا گیا ہے۔
یہی اسکواڈ متحدہ عرب امارات میں ویسٹ انڈیز کے خلاف 3 میچوں کی ٹی ٹوئنٹی سیریز میں بھی شرکت کرے گا، جو ورلڈ کپ کی تیاریوں کا حصہ ہوگی جبکہ افغانستان اور ویسٹ انڈیز کے درمیان ٹی ٹوئنٹی سیریز 19 سے 22 جنوری تک کھیلی جائے گی جس کے بعد 7 فروری سے ٹی ٹوئنٹی ورلڈکپ کا آغاز ہوگا۔