پاک بحریہ کے دو افسران کی ریئر ایڈمرل کے عہدے پر ترقی

پاک بحریہ کے دو کموڈورز کو ریئر ایڈمرل کے عہدے پر ترقی دے دی گئی ہے۔

ریئر ایڈمرل جاوید ضیاء نے 1994 میں پاکستان نیوی کی ویپن انجینئرنگ برانچ میں کمیشن حاصل کیا۔ فلیگ آفیسر پاکستان نیوی وار کالج لاہور، نیشنل ڈیفنس یونیورسٹی اسلام آباد سے گریجویٹ ہیں اور نیشنل یونیورسٹی آف سائنسز اینڈ ٹیکنالوجی (NUST) سے الیکٹریکل انجینئرنگ میں ماسٹر آف سائنس کے اہل ہیں۔ اپنے شاندار نیول کیریئر کے دوران افسر نے مختلف اہم تقرریوں پر خدمات انجام دیں۔ اس وقت ایڈمرل نیول ہیڈ کوارٹرز اسلام آباد میں ڈپٹی چیف آف نیول اسٹاف (مٹیریل) کے طور پر خدمات انجام دے رہے ہیں۔

ریئر ایڈمرل ارمغان احمد نے 1994 میں پاکستان نیوی کی میرین انجینئرنگ برانچ میں کمیشن حاصل کیا تھا۔ فلیگ آفیسر پاکستان نیوی وار کالج لاہور اور نیشنل ڈیفنس یونیورسٹی اسلام آباد سے گریجویٹ ہیں۔ انہوں نے NUST سے مینوفیکچرنگ سسٹم انجینئرنگ اینڈ مینجمنٹ میں ماسٹر آف سائنس کیا۔ ان کے پاس ایک شاندار سروس کیریئر ہے جس میں اہم تقرریوں پر خدمات انجام دینے کا وسیع تجربہ ہے۔ اس وقت وہ مینیجنگ ڈائریکٹر ڈاکیارڈ (کراچی) کے طور پر خدمات انجام دے رہے ہیں۔فلیگ آفیسرز کو ان کی شاندار خدمات کے اعتراف میں ستارہ امتیاز (ملٹری) سے نوازا گیا ہے۔