متحدہ عرب امارات نے ایک بار پھر ترکی کو وارننگ جاری کردی
متحدہ عرب امارات کے وزیر خارجہ انور قرقاش نے ایک بار پھر ترکی سے دو ٹوک کہہ دیا ہے کہ وہ خطے کے ممالک کے امور میں مداخلت سے باز آجائے ۔ انہوں نے MED Dialogues- Rome کے ضمن میں دیے گئے ایک انٹرویو میں کہا کہ ترکی اور ایران کے لیے امارات کا پیغام واضح ہے کہ "عرب دنیا کا احترام کریں ، وہ آپ کا احترام کرے گی”۔
اماراتی وزیر خارجہ نے کہا کہ ترکی پر لازم ہے کہ وہ دیگر ممالک کے معاملات میں بھی مداخلت سے باز رہے .۔ اماراتی وزیر خارجہ کا اشارہ لیبیا کی جانب تھا جہاں مبینہ طور پر ترکی وہاں ہتھیار جنگجوؤں کو منتقل کر رہا ہے۔العربیہ کے مطابق اماراتی وزیر نے اسرائیل کے ساتھ امن معاہدے پر تبصرہ کرتے ہوئے کہا کہ "معاہدہ ابراہیم” ایک اہم تبدیلی ہے۔ اس سے قبل امور میں چھوٹے اقدامات کے ذریعے پیش رفت ہو رہی تھی۔ قرقاش نے واضح کیا کہ ٹرمپ انتظامیہ کی موجودگی سے قطع نظر اس معاہدے کو طے پانا ہی تھا۔ البتہ یہ سال یا اسے زیادہ مؤخر ہو جاتا۔واضح رہے کہ ترکی کے ساتھ خلیجی ممالک مسابقت رکھتے ہیں. اور ایک دوسرے کو برداشت کرتے نہیںدکھائی دیتے