متحدہ عرب امارات کے صدر شیخ محمد بن زاید النہیان نے امارات میں رہنے والے تمام افراد کو خصوصی ایس ایم ایس کیے۔
اماراتی صدر کی جانب سے پیغام عرب امارات میں بسے تمام افراد کے سیل فون پر بھیجا گیا جس میں عید کی مبارکباد دی گئی، پیغام میں اماراتی صدر نے کہاکہ ” عرب امارات ایک خاندان کی طرح متحد ہے،اماراتی صدر نے عرب امارات، عوام کی سلامتی اور سکون کیلئے دعا بھی کی۔
شیخ محمد بن زاید نے اپنے پیغام میں کہا کہ متحدہ عرب امارات اپنی طاقت، استقامت اور عوام کی وفاداری و اتحاد کے ذریعے ایک پرامن اور خوشحال مستقبل کی جانب پیش قدمی جاری رکھے گا۔
وزیراعظم شہباز شریف اور بلاول بھٹو کے درمیان ٹیلیفونک رابطہ
دوسری جانب متحدہ عرب امارات کی وزارت دفاع کے مطابق فضائی دفاعی نظام نے 21 مارچ کو ایران کی جانب سے داغے گئے تین بیلسٹک میزائلوں اور آٹھ بغیر پائلٹ طیاروں کو کامیابی سے نشانہ بنا کر تباہ کیا ہے۔
وزارتِ دفاع کے مطابق ایرانی جارحیت کے آغاز سے اب تک یو اے ای کے دفاعی نظام 341 بیلسٹک میزائل، 15 کروز میزائل اور ایک ہزار 748 ڈرونز کو ناکارہ بنا چکے ہیں ان حملوں کے نتیجے میں قومی فرائض کی انجام دہی کے دوران مسلح افواج کے دو اہلکار شہید ہوئے، جبکہ پاکستان، نیپال، بنگلہ دیش اور فلسطین سے تعلق رکھنے والے چھ افراد بھی جاں بحق ہوئے۔
ایران کا بیلسٹک میزائل سے ڈیمونا میں حملے، عمارت تباہ، 20 اسرائیلی زخمی
حکام کےمطابق مجموعی طور پر 160 افراد زخمی ہوئےجن میں معمولی، درمیانےاور شدید نوعیت کی چوٹیں شامل ہیں زخمیوں میں متحدہ عرب امارات سمیت مصر، سوڈان، ایتھوپیا، فلپائن، پاکستان، ایران، بھارت، بنگلہ دیش، سری لنکا، آذربائیجان، یمن، یوگنڈا، اریٹیریا، لبنان، افغانستان، بحرین، کوموروس، ترکیہ، عراق، نیپال، نائیجیریا، عمان، اردن، فلسطین، گھانا، انڈونیشیا، سویڈن اور تیونس کے شہری شامل ہیں۔
بھارتی وزیراعظم کا ایرانی صدر سے ٹیلیفونک رابطہ
وزارتِ دفاع نے اس عزم کا اعادہ کیا کہ وہ ہر قسم کے خطرات سے نمٹنے کے لیے مکمل طور پر تیار ہے اور ریاست کی خودمختاری، سلامتی اور استحکام کو یقینی بنانے کے لیے ہر ممکن اقدام کرے گی، جبکہ قومی مفادات اور صلاحیتوں کے تحفظ میں کوئی کسر نہیں چھوڑے گی۔
ایران کا بیلسٹک میزائل سے ڈیمونا میں حملے، عمارت تباہ، 20 اسرائیلی زخمی